QUEN SOMOS
Somos unha compañía artística multidisciplinar especializada na creación de experiencias temáticas a través da danza, a música, o teatro de rúa e a animación sabendo conxugar sempre os mellores perfiles coas mellores ideas creativas. Especialistas en cabaré e contidos para todo o ciclo festivo do ano, creando propostas para todos os públicos.
Creamos propostas evocadoras, que abordan directamente os imaxinarios colectivos. Experiencias emocionantes que nos fagan vibrar, participar, e celebrar a vida e a ledicia de vivir. Espectáculos propios e todo o que necesites A MEDIDA do que precises comunicar.
Somos responsables da programación, produción e comunicación de propostas tan singulares coma o Ciclo "Cabaré Cabaré" do Excmo Concello de Pontevedra (2021) Festival Galego de Cabaré (11 edicións dendo o 2006 ao 2020), Festival "O Bosque de Nadal" en Viveiros O Piñeiro (Pontevedra) 2017, 2018, 2019 e 2021 "Pequeno Circo de Nadal" (Rianxo 2016, 2017, 2018 e Salceda de Caselas 2019, 2020 e 2021), "Parranda & Trucks" (Portonovo 2017 e 2018), "Pequeno Circo de Entroido" (A Coruña 2017 e 2018),"Tarde dos Pepes e das Pepitas" (Marín 2019), entre outros.
Ao longo destes últimos anos encargámonos do street márketing de propostas tan singulares como os festivais "Rilla na Rúa" ou a inauguración de "A Sede. RC Celta de Vigo", así como o desenvolvemento de propostas ad hoc para festas como San Xoán de Poio, San Xenxo e Santa Rosalía en Sanxenxo, etc...
Creamos espectáculos propios e todo o que necesites A MEDIDA do que queiras COMUNICAR.
QUE FACEMOS
No mundo da música xogamos coas latitudes, botamos man das raíces na procura da orixinalidade partindo dende a orixe. Facemos vibrar creando experiencias insólitas.
A nosa discografía abrangue "Músicas de Domingo", música galega con piano ou "Orquesta Gharbo!", a nosa primeira e completísima proposta. Traballos innovadores e con postas en escena moi fóra do comun.
Actualmente traballamos en concertos escénicos e propostas que mesturan o cabaré coa música, danza, actitude e estética tradicional galega.
No mundo do teatro e a animación infantil somos expertos na creación de contidos altamente participativos, cunha enerxía e posta en escena contundente, en propostas que funcionan e que sempre aportan unha nota diferencial e grande orixinalidade.
Creamos contidos con valores, que sorprenden a pequenos e maiores, e co valor social de fondo de Nelson Quinteiro de pertencer ao equipo de Doctores Sonrisa da Fundación Theodora levando ilusión semanalmente ós nenos e nenas hospitalizadas.
Somos especialistas en cabaret e tal nivel que somos pioneiros na creación de propostas e eventos relacionados co cabaret contemporáneo dende o ano 2006 e un referente a nivel estatal.
Así o avala o Ciclo "Cabaré Cabaré" do Excmo Concello de Pontevedra, as 11 edicións do Festival Galego de Cabaré, o festival "Compostela Carpa Cabaré", ducias de montaxes de temática como "As Nenas Perdidas", "Cabarédeambulante", "Flashtop Cabaret", "Master Class Cabaret" ou a edición do libro "Pequeno Manual de las Artes Perversas", primeiro tratado teórico sobre cabaret contemporáneo.
Tras varios anos poñendo a andar varias das iniciativas de Nadal máis exitosas do panorama galego, en proxectos como "Papá Noel no teu barrio" do Concello da Coruña 2015, "Pequeno Circo de Nadal" de Rianxo 2016, 2017 e 2018 e Salceda de Caselas 2019, 2020 e 2021 e sobre todo "O Bosque de Nadal" en Viveiros O Piñeiro (Pontevedra) 2017, 2018 e 2019, 2021 dispoñemos dunha ampla batería de propostas co aval de termos levado a ilusión a miles de nenos e nenas con ideas únicas e exclusivas para o Nadal.
SERVIZOS
IDEAS
Creamos proxectos orixinais con ideas únicas e exclusivas segundo as túas necesidades. Eventos, festivais, plans formativos ou divulgativos cun marcado carácter innovador.
COMUNICACIÓN
Comunicación corporativa, street marketing, dinamización de eventos, deseño gráfico e web e redes sociais
A MEDIDA
Deseñamos experiencias á medida das túas necesidades. Escoitamos e analizamos todos os factores para crear propostas únicas e irrepetibles
PROPOSTAS
Temos unha propia batería de espectáculos e producións, así como proxectos propios e un roster de propostas do máis completo para satisfacer as túas necesidades.
ESTREAMOS NOVO CORPO DE BAILE! A Compañía Nelson Quinteiro Producións achega novas fichaxes ao seu elenco de cara a presente campaña escénica.
Á fructífera colaboración, dende o ano 2007 co bailarín ceense Iván Villar (Entrecaixas, Nova Galega de Danza, Premio Max 2021 como Mellor Intérprete Masculino de Danza) súmanse novas facianas como Ariadna Vázquez, Ricardo Fernandez Louro ou Uxía Rivas Quarneti, todos eles integrantes da compañía Nova Galega de Danza ou de realidades como SaDanza, Conservatorio de Danza de Lugo ou Grupo Folclórico Falcatrueiros de Monterroso, entre outros, de cara á súa incorporación en propostas como o espectáculo de música, danza e cabaret "FALA-ME. TRAD CABARÉ", "TRAD CABARÉ ITINERANTE" ou o espectáculo de cabaré sobre as vangardas "NOVECENTO CABARET".
Recentemente estivemos de residencia artística no Centro Coregráfico Galego, puxemos danza á conmemoración do Día Internacional do Orgullo LGTBQIA en Vilagarcía de Arousa, estivemos na Feira Modernista de Sada ou axiña levaremos o noso cabaré á Festa da Ameixa de Campelo (Poio).
Polos nosos ensaios pasou un fotógrafo moi especial para documentar este proceso de traballo:
Seguide atentas!!!!
