NELSON QUINTEIRO

Boas, amigos/as!

Chámome Nelson.

Son dinamizador cultural nato e cabareteiro en toda a amplitude do termo, cunha alma de tres por catro que latexa ao ritmo da música e a danza tradicional. Sempre vencellado aos mundos da música galega, o cabaré ou o teatro infantil e de rúa.

Nacín en Cangas do Morrazo (Pontevedra) pero sempre pastei por outros lares (Santiago, A Coruña, Bilbao... ) 

Actualmente vivo en Campelo (Poio, Pontevedra) e son feliz da vida nesta terra que tan ben me está a acoller.

Teño 42 anos. Un chaval! E levo en activo dende 1997.  24 anos!

O que comezou sendo un xogo como parte da directiva da Asociación de Músicos en Língua Galega e despois da Asociación 3º Pé Andar Criativo acabou convertíndose na miña actividade profesional dende 2007 ata a actualidade. Quen me madaría a min!

Son mestre de máis de 100 alumnos/as en diferentes iniciativas relacionadas co canto popular, o teatro ou a danza e realizo puntualmente obradoiros formativos en xestión de competencias teatrais aplicadas ao mercado laboral para adolescentes e mozos/as por medio do EOI Escuela de Organización industrial - Ministerio de Industria, a Fundación Paideia e outras institucións.

Na actualidade, despois dun longo proceso selectivo e formativo teño a enorme fortuna de ser artista de hospital de man da Fundación Theodora como Doctor Sonrisa, visitando os hospitais de Galicia e traballando en proxectos a nivel estatal.

Unha das miñas facetas máis recoñecible é como cabareteiro, creando, ó longo dos últimos anos, propostas tan singulares como o "Festival Galego de Cabaré" (11 edicións, dende 2006 a 2020), editando o libro "Pequeño Manual de las Artes Perversas" ou dirixindo decenas de galas e montaxes de producción propia con diferentes elencos.

Ademais de ser licenciado en Ciencias Políticas con un brillantísimo expediente, (que unha é loira pero tamén sobradamente preparada), especialiceime en diferentes áreas do coñecemento, como a dinamización cultural (Concello de Pontevedra, 2000), xestión do talento, grazas ao programa Gestalent 2001 de man da consultora HayGroup, Infoempleo.com ou Instituto de Empresa (Madrid), literatura fantástica (Cursos de Verano 2014 da Universidade Internacional Menéndez Pelayo), "Emprendemento en Industrias Culturais" por medio do proxecto GO2WORK da Fundación Paideia e o EOI (Escola de Organización Industrial), etc...

 

No mundo del canto tradicional galego teño publicado os discos "Orquesta Gharbo!" e "Músicas de Domingo" (2014 e 2019, respectivamente, de autoproducción por medio de Inquedanzas Sonoras)e popular teño dirixido innovadoras iniciativas como o programa "Supercantos 2017" do Excmo Concello de Pontevedra,ou creado a iniciativa "Mais Cantos", na que coordino a músicos, cantantes e amigos/as para organizar cantadas en masa con motivo de festas nas prazas, carpas ou espazos non convencionais.

 

Durante todos estes anos teño creado e dirixido propostas tan singulares como o propio Festival Galego de Cabaré, o espectáculo de música e danza "Gharbo!" 2012, co-producción co Centro Coreográfico Galego, a proposta "Brancas. Itinerario Escénico Urbano" (2012, para a Noite Internacional dos Museos da Coruña) ou produccións como a "Compostela Carpa Cabaret" -Festas do Apóstolo 2009-, "Portamérica Circo Cabaret" -Festival Portamérica 2016-, "Pequeno Circo de Nadal" -Rianxo 2016, 2017 e 2018 -Salceda de Caselas 2019, Festival "O Bosque de Nadal" -Viveiros O Pîñeiro 2017, 2018 e 2019- "Parranda & Trucks Portonovo 2017 e 2018 ou "Pequeno Circo de Entroido en María Pita" -A Coruña 2017 e 2018-, entre moitas outras.