PEQUENO
CIRCO DE NADAL 2021


Premendo no icono terás acceso a toda a carpeta de recursos do festival con toda o deseño gráfico, sección audiovisual con videoclips,  e imaxes das artistas á máxima calidade.

Por terceiro ano consecutivo unha experiencia única está a piques de chegar ao Concello de Salceda de Caselas cunha nova edición do Festival "Pequeno Circo de Nadal" que durante catro días, DENDE O LUNS 27 AO XOVES 30 DE DECEMBRO, encherá de obradoiros, pasarrúas, concertos, contacontos, animación e espectáculos a emblemática praza do Concello de Salceda de Caselas.

Este ano con grande protagonismo de PROPOSTAS EN FEMENINO, como o espectáculo de Lydia Botana ou os contacontos de Érica González, armadanzas dos Contos do Titiribaile.

Teremos propostas cun SABOR 100% A NADAL, como o espectáculo "O Axundante de Papá Noel", con Moc Moc Espectáculos, os Trasnos de Nadal ou os Xigantóns do Apalpador cos Apalpadoriños.

Non faltarán acenos á CULTURA E MÚSICA TRADICIONAL GALEGA, como o espectáculo "Barullo" de Nelson Quinteiro, e un feche moi especial en forma de "Pipocas de Nadal", onde o cinema, os debuxos clásicos ou o aspecto audiovisual que marcará toda a edición tomarán protagonismo.

Coas habituais medidas anti-covid pero sen perder un ápice de toda a maxia, a cor, a ilusión e a enerxía que caracteriza a estas datas, a estas propostas, e que fai, por uns días, que os habitantes máis baixiños/as do Concello de Salceda de Caselas sexan os anuténticos/as protagonistas!

Hou hou hou! Volve o PEQUENO CIRCO DE NADAL!

Flyer Pequeno Circo de Nadal.jpg

Despois de dúas edicións do festival "Pequeno Circo de Nadal" no Concello de Salceda de Caselas, e trala última edición marcada transversalmente na súa orientación e prantexameto pola situación sanitaria e as restriccións, volvemos un ano máis disposto/as a facer as delicias de pequenos e maiores ao Concello de Salceda de Caselas sempre dende o máximo respecto e cumprimento das normativas vixentes pero coñecedores de que, grazas ao proceso de vacinación, pódese pensar nun pouco de apertura con respecto á edición anterior. 

 

Deste xeito presentamos unha nova edición do Festival "Pequeno Circo de Nadal" que se ben segue fiel á súa liña gráfica e imaxe de marca, consolidada e recoñecida, sinónimo de ilusión e felicidade, innova en canto a contidos, formatos, descentralización, incorporación de novos aspectos, maior protagonismo das propostas en femenino ou comunicación da proposta. 
Deste xeito, podemos enumerar, como claves maestras desta edición os seguintes puntos: 

OBRADOIROS 
Realizaremos dous obradoiros bastante abertos en canto ao aforo dos mesmos. O primeiro será de movemento, danza e flashmob cos Trasnos de Nadal, de cara a realizar un videoclip moi divertido que poderá ser proxectado no derradeiro serán da programación, enfocado ao cinema. Outro obradoiro de canto e panxoliñas familizará aos máis peques coas cantigas e xogos que os Trasnos de Nadal ofrecerán no seu espectáculo.

 
PASARRÚAS E INTERVENCIÓN URBANA 

Queremos que a programación se convirta nunha auténtica festa, e para elo ofreceremos intervencións urbanas con espectáculos como "A Caixiña dos Trasnos de Nadal" ou os "Xigantóns do Apalpador e os Apalpadoriños/as", para felicitar o Nadal porta por porta, comercio por comercio, bar por bar, casa por casa, e que a felicidade e a maxia chegue a todos os rincóns do centro de Salceda! 


CINEMA 
Tomando nota da boa acollida que durante o verán e en xeral, dende a post-pandemia ten a proxección de cinema, incorporamos esta opción como feche das xornadas, instalando unha pantalla LED de 3 x 2 m e porxectando dibus clásicos "Silly Symphony" de Nadal, así como videoclips de outros anos do Pequeno Circo de Nadal, o resultado do obradoiro de flashmob e o filme "Last Christmas" dirixido a toda a familia. 

PROGRAMACIÓN

3P0A8619 copia.jpg
3P0A8760 copia.jpg
BJM_2658.jpg
Lydia-Botana-070417.jpg
Erica_Narradora_21-1024x682.jpg
ap1.jpg
6_edited.jpg
RUA_4694.jpg
last-christmas.jpg

Luns 27 de decembro

08:00 Montaxe e decoración da carpa de Nadal

11:30 h Obradoiro de movemento, ximnasia de Nadal e flashmob de Nadal cos Trasnos de Nadal e OneTake Films.

Actividade con distancia física e aforo aberto por orde de chegada sen necesidade de inscripción.

13:00 h Espectáculo de rúa

A CAIXIÑA DOS

TRASNOS DE NADAL

 

Este ano os Trasnos de Nadal faranse acompañar dunha caixiña xigante que serve como escenografía e reclamo para a proposta de intervención urbana e danza na que a través dun formato itinerante ocupan os principais prazas e espazos emblemáticos das vilas e cidades para ofrecer vistosas e xeitosas coreografías e cancións de temática navideña. 


Estamos a falar dunha plataforma portátil en forma de cubo, dun metro cadrado x 2,20 metros de alto rotulada en liña gráfica con este propio documento, con decoración, iluminación e efectos navideños, dotada de equipo de son e que os nosos trasnos portarán praza por praza, onde ofrecerán diferentes flashtops de uns 5 minutos c/u. 

 

18:00 h Tardes de Nadal

LYDIA BOTANA.

DE AQUÍ PARA ALÁ

 

"DE AQUÍ PARA ALÁ" é o nome do espectáculo musical infantil da artista coruñesa LYDIA BOTANA.

Multiinstrumentista e cantante, esta rapaza, acompañada polos seus músicos invita a facer un percorido polas músicas do mundo para axudar á súa bolboreta a acadar todas as súas cores.

Lydia Botana, música multinstrumentista natural de Culleredo (A Coruña) ten formado parte de diversas agrupacións tanto rock, pop, reggae/ska, coma esembles de percusión, bandas sinfónicas ou dirección de coros.


Titulada polo Conservatorio Superior de Música de A Coruña en Pedagoxía da Linguaxe e a Educación Musical ten a titulación do Grado Profesional de piano e o Grado Profesional de percusión. Realiza o Erasmus no Conservatorio di Musica Giovan Battista Martini Bologna (Italia).

EN DE AQUÍ PARA ALÁ interpreta unha viaxe didáctico musical polo mundo para amosar ó público infantil (de 3 a 10 anos) a orixe das músicas que ven tocando coma o jazz, a salsa, a samba, reggae/ska… tocando a percusión, o piano, acordeón, cantando e contando esta historia que conta cun libro-disco editado en galego e castelán pola editorial Cumio (2015). 

Martes 28 de decembro

11:00 h Obradoiro de canto e panxoliñas cos Trasnos de Nadal

Actividade con distancia física e aforo aberto por orde de chegada sen necesidade de inscripción.

12:30 h Almorzos con contos

ÉRICA GONZÁLEZ

OS CONTOS DO

TITIRIBAILE

 

Sapos e princesas.

Xigantes e ananiños.

Seres máxicos e encantadores.

Nos contos da actriz ERICA GONZÁLEZ todo é posible e contado dun xeito maxistral e moi moi participativo.

O contacontos de sempre elevado á súa máxima expresión!

Érica González é actriz, presentadora, mestra de cerimonias, pero se hai algo que a caracteriza é ser unha das mellores narradoras e contacontos do panorama estatal.

Como tal ten participado en festivais como MARATÓN DE CUENTOS (GUADALAJARA) 8A, CONTANDO CUENTOS (SALAMANCA), FALANDO A BOCA CHEA (A CORUÑA), CUENTOS A LA LUZ DE LA LUNA (JACA), MARATÓN DE CUENTOS DE PALENCIA.

Di que escolleu contar contos para saltar a Cuarta Parede.

Para mirar ao público aos ollos. Para namorarse deles e abrirse tanto como para que se namoren de ela.

Dicía Jorge Bucay que os contos son para durmir aos nenos e espertar aos maiores.

Porque todos precisamos unha experiencia para lembrar, unha anécdota para sentirnos comprendidos, e un exemplo para dicir: Se el pode, eu podo.

Porque precisamos dos contos para vivir, para alimentar cabeza e alma.

E ela vive para contalos!

18:00 h Tardes de Nadal

Moc Moc Espectáculos

O AXUDANTE

DE PAPÁ NOEL

 

Espectáculo de novo circo con temática de Nadal protagonizado por DAVID MERELAS, alma máter de MOC MOC ESPECTÁCULOS. Malabares, clown, moito humor e un espíritu tenro e entrañable! 

Se collemos o nadal, os malabares, a acrobacia, a interacción constante co público e xuntámolos todos no saco de Papá Noel cun dos seus elfos máis pallasos, torpes e rebeldes, o resultado é este tolo contacontos no que aprenderemos a importancia e o beneficio de compartir cos demais.

 

Estades preparado/as para ver como funciona a fábrica de Papá Noel?

Mércores 29 de decembro

 

12:00 h Nadal polas rúas

Xigantóns do Apalpador

e Apalpadoriños

 

Un divertido pasarrúas cos títeres Xigantes do Apalpador e a Apalpadora acompañados dos seus trasnos domésticos, os "Apalpadoriños".

Unha proposta de animación e dinamización das rúas que toma como base a música e as panxoliñas tradicionais para facer do baile tradicional e popular galego o seu xeito de movemento.

Os Apalpadores Xigantes percorrerán e dinamizarán o tradiciona mercadillo dos mércores en Salceda de Caselas e porá cor, festa e gaita á mañá e hora do vermú!

18:00 h Tardes de Nadal 

Os Trasnos de Nadal

O espectáculo

 

Un auténtico cabaré navideño con coreografías poéticas e outras máis desenfadadas, números de maxia, clown, cinta acrobática, cancións e todo o espíritu navideño, cunha escenografía ben xeitosa, co seu teatriño navideño e árbores de Nadal. 

Ao son dos temas máis clásicos do nadal, como o "Jingle Bells", "Let's Snow" ou "Joy to the World", entre outros, estes elfos e elfas farán bailar a todo o mundo contaxiando aos espectadores/as coa maxia do Nadal.

Unha proposta de teatro-danza e animación altamente participativa e na que, ademais de bailar, convidaremos ao público a unha batalla de bolas de neve imaxinaria, bailar ao "janchete" ou imitar aos animais e personaxes máis entrañables do Nadal. 

 

Xoves 30 de decembro

 

12:30 h Almorzos con Contos

BARULLO!

con Nelson Quinteiro

 

Espectáculo infantil de clown que aborda a cultura e a música tradicional a través dos seus instrumentos.

Nesta aventura Nelson Quinteiro convértese no Señor Patajullo, unha divertida personaxe que chámase así porque fai moito barullo. 

O obxectivo do espectáculo comeza coa teima de axudar ao seu amigo Pepe, un lindo porquiño, a atopar o instrumento que mellor vaia coa súa personalidade, estilo e tamaño.

En Barullo! achegámonos á linguaxe do clown creando un "gaiteiriño" moi cómico, que mestura as artes do paiaso co vestiario, identidade e recursos da música galega

18:00 h Pipocas de Nadal

Last Christmas

+ Dibus e clips de Nadal

 

Tomando nota da boa acollida que durante o verán e en xeral, dende a post-pandemia ten a proxección de cinema, incorporamos esta opción como feche das xornadas, instalando unha pantalla LED de 3 x 2 m e porxectando dibus clásicos "Silly Symphony" de Nadal, así como videoclips de outros anos do Pequeno Circo de Nadal, o resultado do obradoiro de flashmob e o filme "Last Christmas" dirixido a toda a familia. 

Protagonizada por EMILIA CLARKE (Daenerys Targaryen en "Xogo de Tronos"), Last Christmas é conto de Nadal contemporáneo con música de WHAM! e de GEORGE MICHAEL que aborda brillantemente temas como o BREXIT, as familias diversas, a inmigración, o amor na idade dourada ou a independencia da muller. Para non perder! 

Sipnose:

Kate (Emilia Clarke) deambula amargada polas rúas de Londres, acompañada polo continuo tintineo dos cascabeis dos seus zapatos, porque traballa como elfo nunha tenda do Nadal que abre todo o ano.

 

Cando Tom (Henry Golding) aparece na súa vida, Kate empeza a ver as cousas doutra maneira máis optimista, aínda que pareza demasiado idílico para ser verdade.

 

Pero ao chegar o Nadal, todo parece poñerse en contra da parella. Iso si, daranse conta de que o importante será escoitar ao seu corazón.

 

Comedia romántica que dirixe Paul Feig (Un pequeno favor, Cazafantasmas) e que conta con guión da tamén actriz Emma Thompson ( Bridget Jones' Baby) e a dramaturga Bryony Kimmings.

 

Protagonizan a película Emilia Clarke (Xogo de Tronos) e Henry Golding (Un pequeno favor), ademais da propia Emma Thompson e Michelle Yeoh (Gardiáns da galaxia Vol. 2).

 

Seguiremos ampliando info...

Flyer Pequeno Circo de Nadal Reverso.jpg