PEQUENO
CIRCO DE NADAL
Premendo no icono terás acceso a toda a carpeta de recursos do festival con toda o deseño gráfico, sección audiovisual con videoclips, e imaxes das artistas á máxima calidade.
Por segundo ano consecutivo os elfos e elfas, Papá Nöel, os Apalpadores Xigantes cos seus Apalpadoriños/as e varias das máis grandes estrelas do panorama infantil en Galicia volverán a visitar o Concello pontevedrés de Salceda de Caselas nunha programación infantil destinada a crear unha auténtica experiencia navideña para toda a familia.
Cun novo enfoque respetando ao máximo os condicionantes que dende as autoridades sanitarias se están a marcar, con espectáculos de maior formato e concebidos con cuarta parede, distanciamento e aforos limitados, pero sen perder a ilusión para que os nenos e nenas de Salceda de Caselas e toda a contorna poidan vivir a mellor maxia do Nadal.
Este ano seremos un chisco máis madrugadores/as, precedéndonos á Noiteboa e creando unha experiencia 100% de Nadal durante o luns 21, martes 22, mércores 23 e xoves 24.
Con espectáculos na carpa de Nadal que instalaremos na Praza do Concello, decoración e pintura ao vivo durante os días que dura a programación.
E un programa de visitas virtuais con Papá Noel e os seus elfos/as os días 22, 23 e 24 de decembro pola mañá!
Durante o Nadal pasado o concello de Salceda de Caselas tivo a ben organizar un dos festivais de Nadal máis interesantes da xeografía galega, creando un "Pequeno Circo de Nadal" coas figuras máis entrañables e os artistas infantís de máis renome de cara a crear unha auténtica experiencia de Nadal para todos os veciños e veciñas de Salceda, especialmente os máis baixiños, tendo en conta que este concello ten a peculiaridade de ser un dos concellos coa pirámide poboacional máis nova de Galicia, con máis de mil trescentos habitantes censados/as en idade escolar.
Este ano, como ben sabedes, as cousas mudaron moito trala irrupción do coronavirus nas nosas vidas, polo que actividades e aglomeracións están completamente desaconselladas.
Sen embargo, dende o Concello de Salceda de Caselas tiveron a ben pensar que mantendo as normas de seguridade sanitaria, control de aforos, distanciamento físico e organización axeitadas, a cultura é segura, e non podemos permitir que o COVID19 roube as ilusións dos nosos habitantes máis baixiños, así como das súas mamás, papás, avoas, avós, tíos e tías.
Por todo iso "O espectáculo debe continuar"!!! e tirando de inxenio e imaxinación deron en artellar unha programación de Nadal na que volverán Papá Nöel e os seus elfos/as, o Apalpador Xigante e a súa Dona, A Apalpadora, os seus trasnos domésticos ou "Apalpadoriños/as" e algunhas das estrelas máis luminosas do mundo do espectáculo infantil feito en Galicia.
Aquí tés a programación de Nadal, o noso "Pequeno Circo de Nadal" pensado para desfrutar das datas máis especiais e ilusionantes do ano, e ter fe e esperanza no espíritu do Nadal para que este 2020 marche axiña e nos traia a boa nova da volta á normalidade.
PROGRAMACIÓN
VISITAS VIRTUAIS CON
PAPÁ NÖEL!!!
As familias interesadas en concertar videoconferencia teñen que comunicarse por whatsapp co número 635 886 929 para concertar cita co seus personaxe favoritos.
Antes de concertar cita envíaselle un PDF coas condicións legais e de protección de datos, ao que os adultos teñen que dar o seu consentimento.
Unha vez teñamos o consentimento, axéndanse as visitas de 10 minutos de duración por neno/a con 5 minutos de descanso entre chamada e chamada.
Luns 21 de decembro
10:00 Montaxe e decoración da carpa de Nadal
17:00 h Apertura da carpa
17:30 h Espectáculo infantil e decoración
da carpa mediante a pintura ao vivo.
FLASHTOP CHRISTMAS
Xénero: Danza-Teatro de Nadal / Infantil e familiar / Cabaret Infantil
Intérpretes: Adela Bértolo, Nelson Quinteiro, Yohel Santos, María Cordeiro, Laura Casas, Manu Albariñas Otero, Iván Davila, Álvaro Cardalda.
Director/a: Nelson Quinteiro Roa
Técnico de son: Marcos Souto
Un cabaret infantil completamente navideño protagonizado polos elfos e elfas de Papá Nöel chegados diretamente dende o Polo Norte.
Ao son dos temas máis clásicos do nadal, como o "Jingle Bells", "Let's Snow" ou "Joy to the World", entre outros, estes elfos e elfas farán bailar a todo o mundo contaxiando aos veciños/as coa maxia do Nadal.
Unha proposta de teatro-danza e animación en formato de gala mantendo a cuarta parede e o distanciamento cos nosos espectadores/as.
Un auténtico cabaré navideño con coreografías poéticas e outras máis desenfadadas, números de maxia, cinta acrobática, cancións, música en directo e todo o espíritu navideño, cunha escenografía ben xeitosa, co seu teatriño navideño e árbores de Nadal.
Martes 22 de decembro
12:00 Visitas virtuais con Papá Nöel e seus elfos/as
17:00 h Apertura da carpa
17:30 h Espectáculo infantil e decoración
da carpa mediante a pintura ao vivo.
PEQUENO
CABARET INFANTIL
Xénero: Concertos de Nadal / Infantil e familiar / Contos e cancións Infantís
Intérpretes: Adela Bértolo, Nelson Quinteiro, Iván Davila, Álvaro Cardalda e os artistas convidados PACO NOGUEIRAS e PAKOLAS!!!
Un cabaret infantil protagonizado polos
cabareteiros a cabareteiras da Compañía Nelson Quinteiro que, na procura da artista internacional Jacinta Florette, unha pulga de varias micras de tamaño farás as delicias do nenos e nenas a través de contos, cancións e moito ritmo.
O espectáculo servirá como fío conductor dos espectáculos de PACO NOGUEIRAS e PAKOLAS, quenes nos ofrecerán os seus máis recentes espectáculos.
PACO NOGUEIRAS
EXTRA!!!
Aínda que non o pareza o último de
Paco Nogueiras Nodar é un xornal.
"Extra!", un xornal musical con novas e as demais seccións dun diario convencional, mais tamén moito ritmo e moito entretemento editado por
PAKOLAS
“Pakolas” é Paco Cerdeira, autor e compositor, músico (guitarra e voz), e tamén produtor de música pensada para @s mais cativ@s e para gozar con toda a familia. Este é o nome que que lle gusta que o coñezan entre a poboación de curta idade. Recentemente vén de publicar o seu último traballo "Ramona Órbita, a Dona do Tempo", da man da editorial "Sonárbore" coas ilustracións de Laura Romero e coa que colleita os primeiros postos de vendas en libro infantil e xuvenil.
Mércores 23 de decembro
12:00 Visitas virtuais con Papá Nöel e seus elfos/as
17:00 h Apertura da carpa
17:30 h Espectáculo infantil e decoración
da carpa mediante a pintura ao vivo.
Xénero: Danza, música e teatro. Unha grande montaxe multidisciplinar con títeres xigantes, danza e música ao vivo.
Intérpretes: O acordeonista Álvaro Cardalda, o gaiteiro Iago Prieto, o percusionista e cantareiro Xan Pérez e o multiinstrumentista Nelson Quinteiro, os bailaríns Iván Villar, Yohel Santos, María Cordeiro, Manu Albariñas, Laura Casas, o actor e clown Iván Davila, a actriz Adela Bértolo e a artista plastica Marta Quinteiro Villar.
Dirección: Nelson Quinteiro
Asistencia técnica: Marcos Souto
UN NADAL PARA CANTAR, BRINCAR E BAILAR cos títeres xigantes do Apalpador e a Apalpadora e os seus pequenos/as trasnos domésticos ou "Apalpadoriños/as"
https://www.nelsonquinteiro.com/apalpadorinos
Unha grande produción de danza, música e teatro posible grazas ao apoio das subvencións ao Impulso de Sector Escénico Galego promovidas dende a Axencia Galega das Industrias Culturais AGADIC-Xunta de Galicia e coa colaboración do Excmo Concello de Poio.
En "Apalpadoriños" damos cita a un formidable elenco artístico formado por 11 artistas, entre músicos, actores, actrices bailaríns e títeres xigantes, nunha montaxe temática de Nadal destinada a toda a familia.
Xoves 24 de decembro
12:00 Visitas virtuais con Papá Nöel e seus elfos/as
Un dos elementos tradicionais e de grande éxito nas programacións de Nadal é a tradicional recepción de Papá Nöel por parte dos nenos e das familias. Para manter viva a chama desta realidade, imposible dados os protocolos hixiénicos e seguridad dos nenos/as e das súas familias, pensamos na posibilidade de ofrecer visitas virtuais por videoconferencia para realizar en momentos diferentes ós días de oferta de espectáculos:
O espazo dende o que realizar as videochamadas será presencial, nun espazo referencial do Concello de Salceda de Caselas, pero estará acotado e distanciado para evitar o efecto chamada ou concentracións de persoas, e terá un elfo/a informando do procedemento para concertar e programar as videoconferencias con Papá Nõel e os seus elfos.
