Xénero: Teatro de rúa / Cabaret Infantil

Data de estrea: Festival Portamérica 2016.
Director/a: Nelson Quinteiro Roa

Intérprete: Nelson Quinteiro Roa

Escenografía: Nelson Quinteiro & Cristina Veira

​

Un orixinal espectáculo para nenos e nenas de todas as idades que consiste en a instalación dun vistoso teatrillo na túa rúa, praza ou teatro, a modo de unha barraca de feira ou de circo antigo e no que o mestre de cerimonias "Pedrito Mendrugo" e a súa pulga "Jacinta Florette" farán as delicias dos máis pequenos e tamén dos máis creciditos transformando algúns contos populares desde un punto de vista moito máis cómico e actual.

Un espectáculo que saca o máximo partido ao cabaret e aproveita o colorido do xénero, o seu ritmo e carácter desenfadado e a súa alegre música creando unha atmósfera suxerente e moi envolvente e na que abordamos os contos de toda a vida.

Un espectáculo con un ritmo frenético, moita interacción co público, sorpresas, cancións, coreografías e un carácter moi tenro e entrañable, co engado dunha escenografía moi especial con ilustracións da artista Cristina Veira.
 

Datos de interese:

Un espectáculo que vén avalado por máis de cen funcións e citas tan prestixiosas como o Festival Portamérica (estrea), Feira Modernista de Sada, Festival Interritmos (Asociación DELOA-Fundación Paideia), Rilla na Rúa, Festival Galego de Cabaré de Redondela, Feira do Vento de Lalín, Feira de Oficios de Cambados, Pequeno Circo de Nadal Rianxo, Pequeno Circo de Entroido A Coruña, Mostra Internacional de Teatro Cómico e Festivo de Cangas do Morrazo, Festival TRAN TRAN de Paiasos de Fuerteventura, Festival NOSOLOCIRCO 2018 de Circo Contemporáneo de Extremadura, Día Internacional contra o Bullying en Iruña de Oca (Álava), Feira Modernista de Cartagena, etc...