Nelson
Quinteiro
Producións
"Música, danza e animación. Experiencias emocionantes que fan vibrar e celebran a vida e a ledicia de vivir"
Proxecto cultural e compañía multidisciplinar lideradas por Nelson Quinteiro, con máis de 20 anos de formación e experiencia no mundo artístico. Desde o escenario ata a xestión e consultoría de contidos culturais, colaboramos cunha ampla gama de entidades e institucións. Especializámonos na creación de experiencias temáticas que fusionan a música, a danza e o teatro, combinando perfís excepcionais con ideas creativas innovadoras. Desde espectáculos de cabaré e teatro de rúa ata propostas infantís e música popular, abarcamos o ciclo festivo do ano. Contamos cunha ampla traxectoria en comunicación corporativa, street márketing e animación para todos os públicos.
O equipo de Nelson Quinteiro Producións fecha unha das mellores campañas de Nadal da que ten rexistro coa satisfacción de termos levado a ilusión a miles de persoas baixo o lema "Facemos xirar o Nadal"
A campaña de Nadal para a nosa pequena industria de experiencias emocionantes non pode ter mellor balance que a enorme satisfacción de ter feito un traballo inmellorable para os nosos clientes e espectadores/as.
Foron case 30 días de programación ininterrumpida na que só paramos para coller ar e conciliar as nosas vidas familiares o 25 de decembro e 1 de xaneiro.
O resto dos días, dende que arrancamos co acendido da iluminación de Nadal do Concello de Sanxenxo o 5 de decembro e até o día 3 de xaneiro, onde fechamos a xira acompañados da familia Mais Cantos no Pazo de Besada en Poio todo foron dobletes, tripletes ou actuación simultáneas.
Pasarrúas, pasatabernas, visitas escolares, centros comerciais, festas privadas, dinamización comercial e street marketing, concertos en carpa e escenario ou estrea do noso máis recente “Aldea Musical de Nadal”, programacións dirixidas e xestionadas directamente por nós, encomendas, producións “ad hoc” ou obradoiros completaron unha inmellorable axenda na que ademais do noso equipo habitual contamos coa presenza de varios/as dos/as artistas máis destacados do panorama cultural infantil de Galicia.
Vilagarcía, Vigo, Sanxenxo, Moaña, a Cidade da Cultura de Galicia, Portas, Poio, A Golada, Dozón, Verín, Baiona, Marín ou Salceda de Caselas foron, entre outros, só alguns dos nosos clientes e marabillosas paradas neste increíble roteiro ou xira de Nadal.
Acompañáronnos artistas como Larraiz Urruzola, Olga de Abad, Pakolas, La Duendeneta, Cé Orquestra Pantasma, Paco Nogueiras, Caxoto, Gaiteiros Desbrosadores, Batucada Bate no Cobre, Batucada “Os Queimatasas”, Pandereteiras "Fentos e Frouma" ou a contacontos Erica González, entre outros/as.
Producións exclusivas.
A nosa empresa foi agasallada coa magnífica encomenda de programar a proposta “Aldea de Nadal” para o Excmo Concello de Vilagarcía, dando vida ao Nadal dun xeito único, orixinal e que, para os responsables de promoción económica, a día de hoxe, e xa de cara o Nadal 2025-2026 amósase como un modelo de Nadal diferente, diferenciado, único e que recolleu inmellorables opinións, retroalimentación e testemuñais dos veciños/as, comerciantes, hosteleiros/as e paseantes da cidade.
De igual xeito recuncamos, por quinta edición consecutiva co noso “Pequeno Circo de Nadal” na Praza do Concello de Salceda de Caselas provocando unha auténtica revolución verde cos nosos elfos, trasnos domésticos, Apalpadores Xigantes ou artistas infantís.
Unha das novidades máis satisfactorias desta xeira foi a encomenda, de cara á toma das uvas anticipadas de Vilgarcía de Arousa, dunha proposta “a medida” cuxa temática trazou o cliente, o “Desfile Celta do Sol Nacente” que tivo grande impacto mediático e colleitou imaxes increíbles.
Circuito “+Escénicas”
A nosa compañía foi seleccionada por 5 Concellos para levar a escea o espectáculo “Aldea Musical de Nadal” dentro deste novidoso circuito dentro do panorama cultural da Provincia de Pontevedra. A Golada, Baiona, Dozón, Poio e Salceda de Caselas optaron, como primeiro prato da súa escolla, con este espectáculo musical coral baseado na musicoterapia educativa e no que contamos con músicos de primeiro nivel para poñer sobre as táboas un xeito diferente de entender as panxoliñas e os cantos de Nadal.
Para o mesmo creamos un vestiario orixinal e moi creativo que suscitou inmellorables observacións.
Preparando o 2025-2026
De cara á vindeira campaña de Nadal xa comezamos a colleitar encargos e propostas, como avanzar e aumentar a nosa estreita colaboración con Concellos como Vilagarcía de Arousa ou Salceda de Caselas ou distribuir novamente propostas como a “Aldea Musical de Nadal”, “Xigantón do Apalpador e Trasnos Domésticos do Courel”, “Flashtop Christmas” “Buscando a Rodolfo”, o noso espectáculo de danza e animación cos Elfos do Polo Norte.
Aberto o prazo de inscripción para o curso "Artista de Hospital. Teoría e Práctica da Intervención Artística no Ámbito Hospitalario" que impartirá Nelson Quinteiro na Área de Extensión Académica de la UNED, campus de Pontevedra.
ARTISTA DE HOSPITAL. Teoría e práctica da intervención artística no Ámbito Hospitalario.
Arrancamos 2025 cunha nova actividade formativa dentro da Área de Extensión Académica da Universidade Nacional de Educación a Distancia, UNED Pontevedra
Impartida por Nelson Quinteiro en modalidade ONLINE, ben en directo coma en diferido, todos os xoves, de 19:00 a 21:00 h dende o 13 de febreiro até o 15 de maio.
O curso, de 24 horas de duración e que otorga 1 crédito ECTS facilita as ferramentas para conceptualizar como é o traballo dos artistas de todo tipo que se mergullan na complexa tarefa de aportar beneficios terapéuticos e trazar relacións de axuda a través do seu arte nun contexto como é o hospital ou os sistemas de saúde nos estados contemporáneos.
O medio dixital Pontevedra Viva entrevista a Nelson Quinteiro na súa faceta de artista de hospital para falar do curso "Artista de Hospital. Teoría e práctica da intervención artística no ámbito hospitalario" que se impartirá na Área de Extensión Académica da UNED.
ARTISTA DE HOSPITAL. Teoría e práctica da intervención artística no Ámbito Hospitalario.
"Humanizar a experiencia hospitalaria é sempre o noso obxectivo".
Baixo este titular, a xornalista María José Pita e a fotógrafa Mónica Patxot enfían unha lindísima entrevista a Nelson Quinteiro como "Doctor Logaritmo", un dos 3 Doctores Sonrisa que a Fundación Theodora ten activos na súa misión en Galicia.
Os "Doctores Sonrisa" son artistas que, a través do humor e a creatividade, transforman a experiencia hospitalaria dos nenos, proporcionando momentos de alegría e distracción.
Esta iniciativa é levada adiante pola Fundación Theodora dende 1993. A entidade, radicada en Suíza, conta con 36 doctores Sorriso en España e 3.000 en todo o mundo.
Entre eles, Nelson Quinteiro, que non só leva o seu arte aos hospitais, senón que tamén comparte a súa experiencia na universidade, nun próximo curso que impartirá na Universidade a Distancia (UNED).
Descobre quen somos, a nosa traxectoria máis recente, o noso elenco e todas as nosas producións, así como as propostas que celebran o ciclo festivo do ano.
O noso catálogo está cheo de ideas frescas, de novos horizontes, marcando o inicio dun novo ciclo, un enfoque renovado no noso traballo e as nosas accións, apoiado por un equipo entusiasmado e cunha ilusión desbordante.
¿Gustaríache coñecernos máis a fondo?
Este catálogo presenta as nosas propostas propias EN ACTIVO. Simplificando a oferta. Afinando a comunicación para que non teñas dúbida de en que consiste cada unha das iniciativas. Con intención de sermos claros, concisos, concretos/as.
¿Falamos?
Todas as nosas propostas activas
en Galicia para o ciclo 2025
Todas nuestras propuestas activas
en el resto de la península para el ciclo 2025, en castellano, tanto el dossier como las propuestas escénicas de danza, música y teatro
