Conto-Danza de Nadal

“Os espíritos do Nadal danzan entre nós.”

 

Un espectáculo inmersivo de teatro-danza inspirado no universo de Charles Dickens que transforma rúas, prazas e escenarios nunha experiencia viva para toda a familia.

​

Danza tradicional galega, movemento contemporáneo, música en directo e narración emocional nunha proposta itinerante e escénica creada por Nelson Quinteiro Producións.
​

Descripción:

​

O Nadal convértese nun escenario vivo en Conto-Danza de Nadal, unha experiencia escénica inmersiva inspirada no célebre A Christmas Carol de Charles Dickens.

​

A compañía de danza de Nelson Quinteiro Producións, dirixida  a nivel coreográfico polo Premio Max de Danza Iván Villar, presenta unha proposta poética e emocionante que combina danza tradicional galega, movemento contemporáneo, interpretación teatral e música en directo nun espectáculo pensado para emocionar a públicos de todas as idades.

​

A través da palabra narrada pola xornalista Eva Millán e o piano en directo do músico Brais González, o público emprende unha viaxe polos espíritos do Nadal —pasado, presente e futuro— nun relato próximo, evocador e profundamente humano.

​

O elenco, integrado por figuras destacadas da danza galega como Ricardo Fernández Louro, Estefanía Gómez e Alba Vázquez, converte cada representación nun encontro entre tradición, emoción e contemporaneidade.

​

Conto-Danza de Nadal pode desenvolverse tanto en formato itinerante como escénico, adaptándose a rúas comerciais, prazas, mercados de Nadal, auditorios ou programacións culturais especiais.

 

Unha proposta creada para sorprender, emocionar e dinamizar os espazos urbanos durante as Festas de Nadal.