12.jpg

Espectáculo en fase de produción.

Despois de 5 representacións infantís dentro do ciclo "Os Nosos Instrumentos" grazas á Concellaría de Cultura do Excmo Concello de Poio iniciará a súa fase de documentación, redacción e montaxe como nova proposta infantil 2021-2022 da Compañía Nelson Quinteiro Producións.

Un espectáculo que, ademais, farase acompañar dun xeitoso libro didáctico con ligazóns QR,´s a vídeos con cancións, titoriais de ritmo e percusión e escenas do máis divertido!

BARULLO! Todos os ritmos do Señor Patajullo

Xénero: Espectáculo infantil. Música e cultura tradicional. Teatro de rúa adaptable.

Estrea: Ciclo "Os Nosos Instrumentos" do Excmo Concello de Poio. Maio de 2021.

Duración: 50 minutos

Señor Patajullo chámase así porque fai moito barullo, e ten a teima de axudar ao seu amigo Pepe, un lindo porquiño, a atopar o instrumento que mellor vaia coa súa personalidade, estilo e tamaño.

Fará así, entón, un percorrido moi interactivo, divertido e visual por todos os tipos de instrumentos da música tradicional galega non escatimando en materiais: gaitas, pandeiros, pandeiretas, pitos, peitoques, triángulos, kazoos, ukeleles, axóxeres, claves, cunchas...

Instrumentos de corda, vento ou percusión. Instrumentos grandes, pequenos, medianos, moi pequeniños. Instrumentos cadrados, instrumentos redondos, instrumentos rectangulares ou con forma de hexágono. Con formas regulares ou irregulares.

Instrumentos de madeira, instrumentos de metal, instrumentos de pel ou instrumentos mixtos.

Unha proposta trazada dende a linguaxe do clown con moito ritmo, amosando por medio dos instrumentos ritmos esenciais da tradición musical galega como a xota, o pasodoble, a rumba, a pandeirada e, como non, a muiñeira e creando unha personaxe moi especial que mestura as artes do paiaso co vestiario, identidade e recursos da música galega creando un "gaiteiriño" moi cómico.

Cantando, tocando, bailando e facendo participar ao pequeno respetable dende o minuto cero.

Con unha escenografía moi especial, cunha liña gráfica moi marcada, e un vestiario espectacular, deseñando un traxe tradicional "vintage" dos anos 80 pero feito en telas vaqueiras denim de diferentes cores.  Ata a monteira! Con moitos botóns, penachos e mais pompóns!!!

Un espectáculo cociñado a lume lento a través de moitos clips de vídeo publicados nas redes sociais durante o confinamento e escollendo e adaptando os mellores recursos e momentos.

PEQUENO CABARET INFANTIL A3.jpg

Pequeno Cabaret Infantil

Xénero: Teatro de rúa / Infantil

Data de estrea: Festival Potamérica 2016.

15 de xullo de 2016
Director/a: Nelson Quinteiro Roa

Autor: Nelson Quinteiro Roa

Un orixinal espectáculo para nenos e nenas de todas as idades que consiste en a instalación dun vistoso teatrillo na túa rúa, praza ou teatro, a modo de unha barraca de feira ou de circo antigo e no que o mestre de cerimonias "Pedrito Mendrugo" e a súa pulga "Jacinta Florette" farán as delicias dos máis pequenos e tamén dos máis creciditos transformando algúns contos populares desde un punto de vista moito máis cómico e actual.


Un espectáculo que saca o máximo partido ao cabaret e aproveita o colorido do xénero, o seu ritmo e carácter desenfadado, a súa alegre música  para falar dos contos de toda a vida.


Un espectáculo con un ritmo frenético, moita interacción co público, sorpresas, cancións, coreografías e un carácter moi tenro e entrañable.
 

Outros datos de interese:
Un espectáculo que vén avalado por máis de cen funcións e citas tan prestixiosas como o Festival Portamérica (estrea),  Festival Interritmos (Asociación DELOA-Fundación Paideia), Rilla na Rúa, Festival Galego de Cabaré de Redondela, Feira do Vento de Lalín, Feira de Oficios de Cambados, Feira Modernista de Cartagena, Pequeno Circo de Nadal Rianxo, Pequeno Circo de Entroido A Coruña, Mostra Internacional de Teatro Cómico e Festivo de Cangas do Morrazo, Festival TRAN TRAN de Paiasos de Fuerteventura, Festival NOSOLOCIRCO 2018 de Circo Contemporáneo de Extremadura, etc...

De cara a súa adaptación COVID19 optamos por incorporar

música en directo da man do acordeonista Álvaro Cardalda

e aumentar o formato do espectáculo para reducir a interacción cos nenos e nenas, ofrecendo un espectáculo máis multidisciplinar e de maior calado.

Pequeno Cabaret Infantil
Pequeno Cabaret Infantil

Pequeno Cabaret Infantil Nelson Quinteiro Teatro Infantil Cabaret Infantil Teatro de Calle, Teatro de Rúa, Circo de Pulgas

Pequeno Cabaret Infantil
Pequeno Cabaret Infantil

Pequeno Cabaret Infantil Nelson Quinteiro Teatro Infantil Cabaret Infantil Teatro de Calle, Teatro de Rúa, Circo de Pulgas

Pequeno Cabaret Infantil
Pequeno Cabaret Infantil

Pequeno Cabaret Infantil Nelson Quinteiro Teatro Infantil Cabaret Infantil Teatro de Calle, Teatro de Rúa, Circo de Pulgas

Pequeno Cabaret Infantil
Pequeno Cabaret Infantil

Pequeno Cabaret Infantil Nelson Quinteiro Teatro Infantil Cabaret Infantil Teatro de Calle, Teatro de Rúa, Circo de Pulgas

1/6

AUTONOMÍA TÉCNICA.

Os nosos espectáculos infantís están pensados para ser autónomos a nivel técnico, aportando o noso propio equipo de son de 1600 w, axeitado para aforos e formatos medios, así como máquina de fume.

Os orzamentos inclúen este equipamento, así como unha persoa de asistencia técnica e de produción.

A ficha técnica redúcese a permiso de circulación e estacionamento, toma de corrente de 220 v e camerinos con auga corrente e espellos. No caso de optar por tarima ou escenario, o tamaño ideal é de 6 x 4 m,