APALPADORIÑOS


Premendo no icono terás acceso a un COMPLETO DOSSIER DO ESPECTÁCULO coa descripción completa do espectáculo, elenco, intencións e orzamento.

Unha grande produción de danza, música e teatro posible grazas ao apoio das subvencións ao Impulso de Sector Escénico Galego promovidas dende a Axencia Galega das Industrias Culturais AGADIC-Xunta de Galicia e coa colaboración do Excmo Concello de Poio, que apoia o proxecto mediante unha residencia artística e albergue para tres representacións no Centro Cultural Xaime Illa.

 

En "Apalpadoriños" damos cita a un formidable elenco artístico formado por 11 artistas, entre músicos, actores, actrices e bailaríns, de cara a dar un novo pulo e adaptación COVID á nosa máis especial montaxe temática de Nadal destinada a toda a familia e que contará con versión de sala e de rúa, en formato itinerante.

Cunha xira moi especial no Nadal 2020 na que visitaremos Poio, Touro, Valdoviño, Rianxo, Negreira, Pontevedra, a Cidade da Cultura de Galicia, en Santiago de Compostela ou Salceda de Caselas .

APALPADORIÑOS A3 ACOPLADO.jpg

Dende o 21 de novembro e até o 12 de decembro de 2020, os integrantes da Compañía de Danza, Música e Teatro Nelson Quinteiro Producións mergúllanse nunha Residencia Artística de Inmersón de cara ós espectáculos de Nadal, grazas ao apoio das subvencións ao Impulso de Sector Escénico Galego promovidas dende a Axencia Galega das Industrias Culturais AGADIC-Xunta de Galicia e coa colaboración do Excmo Concello de Poio.

O acordeonista Álvaro Cardalda, o gaiteiro Iago Prieto, o percusionista e cantareiro Xan Pérez e o multiinstrumentista Nelson Quinteiro farán a banda sonora en directo para os espectáculos aos que se suman os bailaríns Iván Villar, Yohel Santos, María Cordeiro, Manu Albariñas, Laura Casas, o actor e clown Iván Davila, a actriz Adela Bértolo e a artista plastica Marta Quinteiro Villar.

Un elenco multidisciplinar, de moitísimo talento e titulación e que de seguro fará as delicias do público infantil e levará a máis necesaria que nunca necesaria ilusión do Nadal a prazas como Poio, Pontevedra, Rianxo, Salceda de Caselas, Touro, Valdoviño, á Cidade da Cultura de Galicia, Negreira e moitas máis nunha campaña de Nadal que se aveciña do máis completa e con máis de 30 representacións escénicas.

Contaremos, ademais de especialistas audiovisuais para a documentación de todo o proxecto, tanto coreográfico como audiovisual, da man dos nosos colaboradores habituais, e dun equipo de produción e comunicación para que neste Nadal as nosas badaladas sexan ben sonadas.

TÍTERES

XIGANTES

Un dos atractivos fundamentais do noso espectáculo reside na posta en escena de dous títeres xigantes de tres metros de alto proxectados en co-producción coa Compañía de Títeres Errantes de Burgos, cos que Nelson Quinteiro entrou en contacto no Festival TRAN TRAN de Paiasos de Fuerteventura 2017 e con quen temos  grande amizade.

Dúas figuras agarimosas que representar ao mítico carboaeiro do Courel e mais á súa dona, a Apalpadora.

DANZA

TRADICIONAL

Xa que os "Apalpadoriños" veñen a ser algo así como os tradicionais trasnos domésticos que recolle a tradición oral galega a través dos contos e dos relatos, non se nos ocorre mellor forma de concebilos que a través da danza tradicional e popular galega, dándolle unha volta de parafuso e enriquecéndoa co particular linguaxe dos coreógrafos Iván Villar e Nelson Quinteiro, nun laboratorio de movementos e coreográfico para facer danza escénica galega. O corpo de baile estará formado polos propios Villar e Quinteiro, así como polos bailaríns Yohel Santos, Laura Casás e María Cordeiro, membros habituais dos cabarés de Nelson Quinteiro.

MÚSICA

AO VIVO

Os Apalpadoriós non poderían ter outra banda sonora máis axeitada que a música tradiconal e popular galega, polo que ofrecemos un animado combo ao vivo formado por gaita, acordeón, ukelele e percusión en forma de animadas pasacorredoiras, pasodobles, muiñeiras e xotas regadas cunha chea de panxoliñas.

Álvaro Cardalda (acordeón), Iago Prieto (gaita e pitos), Xan Pérez (percusión e voces) e Nelson Quinteiro (voz, pandeireta, caixón flamenco e ukelele) fan a banda sonora do espectáculo.

TEATRO

Na súa versión escénica, a montaxe toma formato de espectáculo de variedades para ofrecer unha  unha peculiar viaxe pola Galicia imaxinaria, na que dous simpáticos elfos interpretados por Adela Bértolo e Iván Davila serán os presentadores dun magazine emitido dende o Courel con música en directo, cancións, coreografías, entrevistas ou incluso deslocalización a varios puntos da xeografía galega!

NOVIDADES

NOVA ESCENOGRAFÍA!
A artista plástica e licenciada en Belas Artes Marta Quinteiro Villar será a encargada de deseñar unha nova escenografía para o espectáculo "Os Apalpadoriños" nunha moi especial viaxe pola Galicia Imaxinaria do Apalpador e a Apalpadora Xigantes e mailos "Apalpadoriños", trasnos domésticos galegos que nas noites de Nadal axudan e acompañan ós Xigantes do Courel na súa grande tarefa de levas castañas quentiñas, agasallos e agariño ós nenos e nenas do Noroeste. 

RESIDENCIA ARTÍSTICA

O Centro Cultural Xaime Illa de Raxó acolle a residencia artística para a adaptación do espectáculos ás novas exixencias provocadas pola COVID19, ademais de ser unha ocasión única para re-definir e ampliar o noso espectáculo, ao que lle damos un novo enfoque radicalmente distinto.

Nova posta en escena, nova escenografía, cambios sustanciais no vestiario, incorporación de novos músicos, novas coreografías e dirección coraográfica, para crear un espectáculo único.

NOVO VESTIARIO!
Para esta nova campaña, os acompañantes de Papá Nöel e mais do Apalpador e da Apalpadora lucirán novo vestiario coidando ó máximo todos os detalles.

Con telas de pano rexional e lá de primeira calidade, así como especial coidado nos remates, apliques e complementos, puxémonos nas mans de especialistas en traxe tradicional galego para que este ano os nosos elfos e mailos "Apalpadoriños" sexan máis auténticos que nunca.

NOVAS COREOGRAFÍAS!
O bailarín e coreógrafo Iván Villar incorpórase ao elenco dos Apalpadoriños e convírtese no co-director coreográfico da peza.

Deste xeito os trasnos domésticos do Courel adoptan outro tipo de movemento que, partindo do baile tradicional e popuar galego ofrecen unha formación e linguaxe.

Iván Villar formou parte do Ballet Galego Rey de Viana, Centro Coreográfico Galego, e dende o 2010 forma parte do elenco estable de Nova Galega de Danza ou dirixe a súa compañía "Entrecaixas". 

OS APALPADORIÑOS.

UN NADAL PARA CANTAR, BRINCAR E BAILAR

XIRA ESPECIAL DE NADAL 2020-2021

Do 21 de novembro ao 11 de decembro de 2020

RESIDENCIA ARTÍSTICA NO CENTRO CULTURAL XAIME ILLA DE RAXÓ (POIO)

12 de decembro

12:30 h Pasarrúas polo Casco Vello do Concello de Pontevedra

18:00 h ESTREA: Centro Cultural Xaime Illa. Raxó. Poio.

15 de decembro

18:00 h Centro Cultural de Negreira

 

18 de decembro

17:30 h Pasarrúas e representación no Concello de Touro

19 de decembro

18:00 h Pasarrúas no Concello de Valdoviño

20 de decembro

18:00 h Representación no Auditorio da Biblioteca

da Cidade da Cultura de Galicia (Santiago de Compostela)

23 de decembro

18:00 h Representación no Festival PEQUENO CIRCO DE NADAL DE Salceda de Caselas

26 de decembro

18:00 h Pasarrúas polo Centro de Rianxo

27 de decembro

18:00 h Representación no Centro Cultural Xaime Illa de Raxó (Poio)

29 de decembro

12:30 h Pasarrúas polo Casco Vello do Concello de Pontevedra

16:30 h Pasarrúas polo Casco Vello do Concello de Pontevedra

2 de xaneiro (VIRTUAL)

18:00 h Representación en espazo por desvelar

OUTRAS PROPOSTAS DE NADAL

OS TRASNOS DE NADAL. Nadal en Poio

15, 16 e 17 de decembro:  VISITAS ESCOLARES

19 de decembro 11:00 h San Salvador

22 de decembro 11:00 h San Xoán

30 de decembro 11:00 h Raxó e Samieira e 18:00 h en Lourido

31 de decembro 11:00 h en Campelo

FLASHTOP CHRISTMAS. Os elfos de Papá Nöel

21 de decembro 18:00 h PEQUENO CIRCO DE NADAL. Salceda de Caselas

23 de decembro. PASARRÚAS POR PONTEVEDRA 12:30 h O BURGO-PZA DE ABASTOS

26 de decembro. PASARRÚAS POR PONTEVEDRA. 12:30 h PEREGRINA-OLIVA-ROSALÍA DE CASTRO